XXI. mendeko gizartean teknologia berrienbidezko komunikazioa eta elkarreragintza ezinbestekoa da guztiontzat, batez ere enpresentzat. Teknologien bilakaera geldiezinak orain artean indarreango lege barrutian bildu gabeko birziklapen jarraia eskatzen dituen egoerak eragiten ari da, hala alderdi legegilearen eskutik nola aipatu legeriaren xede den gizartearenetik.

Arrazoi horregatik, enpresentzat garrantzitsua da oso indarreango legeriarekin egunean egotea, eguneroko eraginkortasunari erasango dion erabaki hartzeari dagokionez. Zentzu honetan alderdi askoren inguruan sakondu behar da, komunikabideetan sarri erabiltzen diren hitz teknikoen inguruan: sotwareen patenteen errealitatea (abantailak eta desabantailak), lizentzia-ireki eredu ezberdinak (copyleft, Creative Commons, GPL), sarean egun burutzen diren balizko delituak...

Hala ere, enpresek xehetasun tekniko asko ez dituzte ezagutzen eta zuzenean eragiten dien alderdi legaletan sakondu nahi dutenean nori zuzendu ez dakiten galderak mahaigaineratzen dituzte: zein urrats eman behar ditut nere fakturazio sisteman faktura elektronikoen araudira egokitzeko? Nola berreskuratu dezaket domeinu izena? Zeintzuk dira LSSI edo LOPD bezelako legeriaren benetazko eraginak? Ze isun jar diezadakete aipatu araudia bete ezean?

Proposatzen dugun jardunaldia egiazko kasuak eta Informazioaren Gizartean legeen ezarpen praktikoen adibideak mahaigaineratuko ditu. Ekitaldi honek interesdunek gai horiei buruz era irekian egin nahi dituzten galdera eta zalantza guztiak azaltzeko topalekua izan nahi du, erantzuna adituaren eskutik etorriko dela jakinik.