Gipuzkoako enpresak ordezkatzen ditugu eta haiekin batera lan egiten dugu, haien lehiakortasuna bultzatzeko eta Gipuzkoako garapen ekonomiko eta sozialari laguntzeko.
Gipuzkoan jarduten duzuen enpresa guztiak Ganberaren parte zarete. Aholkularitza, prestakuntza eta irtenbideak jartzen ditugu zuen eskura, aukera berriak sortzeko eta zuen helburuak lortzeko prozesuan zuekin batera lan egiteko.
Enpresen eta lurraldearen lehiakortasuna bultzatzea.
Horretarako, esperientzia, gertutasuna, enpresa-errealitatearen ezagutza eta harreman instituzionalak uztartzen ditugu enpresen, erakundeen eta lurraldeko beste eragileen arteko lankidetzarekin, aldaketei aurrea hartuz eta erronkak aukera bihurtuz.
Gipuzkoako Ganbera gara, zuzenbide publikoko eta irabazi-asmorik gabeko korporazioa. Administrazio publikoen kontsulta- eta lankidetza-organo gisa jarduten dugu, Merkataritza, Industria, Zerbitzu eta Nabigazioko Ganbera Ofizialei buruzko Oinarrizko 4/2014 Legean ezarritako izaera eta helburuekin bat etorriz.
