Merkataritza Berrikuntzako Diagnostikoak 2026

Zertan datza?

Merkataritzaren egoeraren diagnostiko bat, alderdi ahulak identifikatzeko aukera ematen duena eta parte hartzen duen negozio bakoitzerako hobekuntza-proposamenak banaka ematen dituena.

• Negozioaren egoera indibidualizatua aztertzen da establezimenduan bertan bisita bat eginez.
• Gipuzkoako Ganberako Merkataritzako Aholkulari Teknikoek jasotako eta aztertutako informazioaren txosten zehatza egiten dute.
• Negozioa berritzeko eta optimizatzeko hobekuntza-ekintzak gomendatzen dira. Gomendioak estrategia, berrikuntza, teknologia, kudeaketa, bezeroak eta beste hainbat gairi buruzkoak dira.

Zenbat balio du?

Programak %100eko diru-laguntza du.

Txikizkako Merkataritzako Programaren barruan, Merkataritza Berrikuntzako Diagnostikoak Europar Batasuneko Eskualde Garapeneko Europako Funtsak (EGEF) eta Merkataritzako Estatu Idazkaritzak finantzatzen dituzte oso-osorik, eta, horrenbestez, DOAKO zerbitzua da parte-hartzailearentzat.

Nork eman dezake izena?

64, 65 edo 66 epigrafeetako batean ekonomia-jardueren gaineko zergan alta emanda dauden Gipuzkoako enpresa txiki eta ertainak edo autonomoak. Farmaziak kanpoan geratzen dira.

Plazak mugatuak dira (aurrekontua agortu arte).

Nola eman daiteke izena?

Jarraian aipatzen diren dokumentuak aurkeztu behar dira:

• Parte hartzeko eskaera
• Erantzukizunpeko adierazpena
• Ekonomia-jardueren gaineko zergan, 64, 65 edo 66 zenbakiekin hasten den epigraferen batean alta egiaztatzen duen agiria.
• Eskatzailearen NANa

Ondasun-erkidegoaren edo sozietate mugatuaren kasuan, gainera:

• Enpresaren IFK
• Eskaera sinatzen duen pertsonaren ordezkaritza-botereak.

Noiz egin daiteke eskaera?

Izena emateko epea: 2026ko ekainaren 18tik azaroaren 16ra.

Non egin daiteke eskaera?

• Aurrez aurrekoa: Gipuzkoako Ganbera · Avda. Tolosa 75º, 20018 Donostia.

Ganberako erregistro-ordutegi ofizialean aurkeztutako eskabideak bakarrik onartuko dira.

Neguko ordutegia: ekainaren 20arte eta iralaren 21etik aurrera

- Astelehenetik ostegunera: 8:30 - 13:30 eta 15:30 - 17:30

- Ostiraletan: 8:30 - 13:30

Udako ordutegia: ekainaren 21etik irailaren 20ra

- Astelehenetik ostiralera: 8:30 - 13:30

• Online: egoitza elektronikoaren bidez, helbide honetan eskuragarri: https://sede.camara.es/sede/gipuzkoa

DEIALDI OFIZIALA 2026

Europar Batasuneko Eskualde Garapeneko Europako Funtsak (EGEF) eta Merkataritzako Estatu Idazkaritzak finantzatutako Txikizkako Merkataritza Programaren esparruan Merkataritza Berrikuntzako Diagnostikoak garatzeko laguntzen deialdi publikoa aurkeztu da, 2026ko ekainaren 17an.

Deialdiaren Eranskinak

• I Eranskina- PARTEHARTZE ESKAERAren formularioa
• II Eranskina- Erantzukizunpeko adierazpena
• III Eranskina- Parte hartzeko eta gauzatzeko baldintzak

 ONARTUTAKO ESKAEREN ZERRENDA

Informazio gehiago:

943 000 307

Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.