Bilbo 2027 Azpikontratazio Azoka

Gipuzkoako Ganberak, SUBCONTEX zerbitzuaren bidez, Gipuzkoako enpresen partaidetza elkartua antolatzen du AZPIKONTRATAZIOA 2027an, otsailaren 23tik 25era, Bilbao Exhibition Centren (BEC).

Baterako partaidetza horrek Gipuzkoako Ganberaren laguntza eta esperientzia eskaintzen die enpresei azpikontratazio industrialerako erreferentziazko azoka nazionalean.

Zergatik parte hartu 2027ko AZPIKONTRATAZIOAN?

AZPIKONTRATAZIOA Gipuzkoako industriarentzako erreferentziazko azoka nazionala da, eta topagune saihestezina, sektoreko enpresa, erosle eta profesionalentzako ingurune hurbil batean egiten baita.

+INDUSTRYn integratuta dago, eta 47 herrialdetako 12.100 profesional eta 873 erakusketari baino gehiago bildu zituen azken edizioan. Horri esker, egungo bezeroekin harreman komertzialak sendotu daitezke, kontaktu eta negozio-aukera berriak sortu, eta zure enpresak merkatu nazionalean eta nazioartekoan duen presentzia indartu.

Zer ekarpen egiten du Gipuzkoako Ganberarekin elkartuta parte hartzeak?

Gipuzkoako Ganberak antolatutako taldean parte hartzeak aukera ematen du:

Harremanetarako aukera gehiago: SUBCONTEX gunera iristen diren erosleen kontsultak beren beharrei erantzun diezaieketen enpresa erakusketariei helarazten zaizkie.
Zabalkunde eta ikusgarritasun handiagoa: balizko erosleen eta bisitarien artean taldekatutako parte-hartzea sustatzen dugu.
Lehentasunezko kokapena: enpresa bakoitzak stand indibidual bat du, bere irudi eta logotipoarekin, gune bereizi batean integratuta eta azokaren igarobide batean kokatuta.
Azokan zehar laguntza: Ganbera taldea bertan dago, azoka osoan zehar erakusketariei laguntzeko.

Nazioarteko erosleekin topaketak

Enpresa erakusketariek doan parte hartu ahal izango dute SUBCONTEXek parte hartzen duen Nazioarteko Erosleen Topaketetan, eta, horrela, harreman berriak ezartzeko aukera gehiago izango dituzte.

Eman izena irailaren 25a baino lehen