Eusko Jaurlaritzako Elikadura, Landa Garapen, Nekazaritza eta Arrantza Sailak, Elikaduraren Euskal Industria kanpoan sustatzen laguntzeko jardueren barruan, GOURMETS 2027 azokan Euskadiko enpresen baterako parte hartzea antolatu du HAZIren bitartez.
AZOKAREN IZAERA
Gourmets Europako Kalitatezko Elikagaien eta Edarien Azoka garrantzitsuena da, eta munduko erreferente ospetsuenetako bat, gama altuko joeren erakusleihorik onena aurkezten du. 38 edizioko ibilbidearekin, gero eta zifra handiagoekin eta merkataritza-espiritu garbiarekin, gehien bisitatu den plataforma da, eta gastronomia-sektoreko nazioko eta nazioarteko profesionalen topaketa: jatetxeak, ostalaritza, banaketa, cateringa eta merkataritza espezializatua.
