Enpresentzako irtenbideak

Arbitraje Gortea

Jurisdikzio arruntaren alternatiba

Gipuzkoako Ganberaren Arbitraje Gorteak jurisdikzio arruntaren alternatiba eskaintzen die enpresei enpresa- eta sozietate-gatazkak ebazteko, espezializazioa, arintasuna eta konfidentzialtasuna ardatz hartuta, bai estatuan bai nazioartean.

1989az geroztik, merkataritza- eta sozietate-arloko arbitraje-prozedurak administratzen ditugu, estatuan zein nazioartean, profesional espezializatuen bidez, enpresei enpresa-sarearen beharretara egokitutako mekanismo eraginkorra eskainiz.

Zer abantaila eskaintzen ditu arbitrajeak bide judizial arruntaren aldean?

Espezializazioa

Prozedurak merkataritza-zuzenbidean eta arbitrajean espezializatutako arbitroek ebazten dituzte, Gipuzkoako eta Estatu osoko ospe handiko profesionalen artean hautatuta.

Azkartasuna

Arbitraje-prozedurek behin betiko erabakia jurisdikzio arruntean baino epe nabarmen laburragoetan lortzea ahalbidetzen dute.

Eraginkortasuna

Prozeduraren malgutasunak denbora eta baliabideak optimizatzen laguntzen du, enpresa-gatazkei lotutako zeharkako kostuak murriztuz.

Konfidentzialtasuna

Bai prozedura bai gatazka konfidentzialtasun zorrotzaren mende daude, alderdien interesak eta ospea babestuz.

TRESNA ESTRATEGIKOA

Enpresentzat gero eta garrantzitsuagoa den sistema

Arbitrajea merkataritza- eta sozietate-gatazkak ebazteko tresna estrategiko gisa sendotzen ari da, bereziki jurisdikzio arruntaren ordezko bideak sustatzen dituen araudi-testuinguru batean; auzi kopuruaren hazkundeak eta organo judizialen gaineko presioak gatazkak ebazteko mekanismo arin eta espezializatuekiko interesa indartzen dute.

Gipuzkoako Ganberak aktiboki lan egiten du bere Arbitraje Gortea ezagutarazteko eta etengabe hobetzeko; enpresa-esparruan erreferente gisa sendotuta dago.