Skip to main content

Gipuzkoako Ganberak datozen lau urteetarako Osoko Bilkura berria eratu du

2026 Azaroa 19
Gipuzkoako Ganberak datozen lau urteetarako Osoko Bilkura berria eratu du
Partekatu
  • Gipuzkoako enpresa-sareko 56 ordezkarik osatutako gobernu-organo berriak Mauricio Arregui aukeratu du erakundeko presidente 
  • Presidenteak “mundua Gipuzkoara hurbilduko duen eta Gipuzkoa mundura zabaltzen lagunduko duen Ganbera” baten aldseko apustua egin du, administrazioekin eta gainerako eragile ekonomikoekin lankidetzan 


Donostia, 2026ko azaroaren 19a. – Gipuzkoako Ganberak gaur eratu du datozen lau urteetarako Osoko Bilkura berria, erakundearen gobernu- eta ordezkaritza-organo gorena. 

Eraketa-ekitaldia Gipuzkoako Ganberaren egoitzan egin da, Eusko Jaurlaritzako Turismo eta Merkataritzako sailburuorde Jakes Agirrezabala buru dela, eta Osoko Bilkura berria osatzen duten enpresa eta erakundeetako ordezkariek parte hartu dute. 

Bilkuran, 2026-2030 aldian erakundearen buru izango diren presidentea eta Batzorde Betearazlea aukeratu dira. Mauricio Arregui Gipuzkoako Ganberako presidente hautatu dute berriro. 

Osoko Bilkura berria Gipuzkoako jarduera-sektore desberdinetako enpresa eta erakundeetako 56 ordezkarik osatzen dute. Osaera horrek lurraldeko enpresa-sarearen aniztasuna islatzen du. 

Hauteskunde-prozesuan Gipuzkoan jarduten duten 73.309 hautesle deitu dira, enpresak eta autonomoak barne. Gipuzkoako Ganberak lurraldeko enpresa-sare osoaren interes orokorrak ordezkatzen eta defendatzen ditu, eta bertako kideek erakundearen gobernu-organoen hautaketan parte hartzen dute. 

Enpresen eta lurraldearen lehiakortasunarekiko konpromisoa 

Berriro presidente hautatu ondoren, Mauricio Arreguik lurraldearen lehiakortasunean aurrera egiteko anbizioa azpimarratu du: “Gipuzkoak Europako lurralderik onenetako bat izateko helburua izan behar du, ekiteko, inbertitzeko, berritzeko, lan egiteko eta enpresak hazteko”. 

Nazioarteko lehiaren, aldaketa geopolitikoen eta trantsizio teknologiko eta energetikoaren erronken aurrean, Arreguik enpresei eraldaketa-, berrikuntza- eta nazioartekotze-prozesuetan lagunduko dien Ganbera baten garrantzia nabarmendu du. Agintaldi berrirako, “mundua Gipuzkoara hurbilduko duen eta Gipuzkoa mundura zabaltzen lagunduko duen Ganbera” baten aldeko apustua egin du, administrazioekin eta gainerako eragile ekonomikoekin lankidetzan. 

Horrela, Gipuzkoako Ganberak lau urteko agintaldi berri bati ekingo dio, enpresen eta lurraldearen lehiakortasuna bultzatzen jarraitzeko eta Gipuzkoako enpresa-sareari bere erronka nagusietan laguntzeko. 

Osoko Bilkura berriaren osaera 

Gipuzkoako Ganberaren Osoko Bilkura berria honako enpresa eta erakunde hauek osatzen dute: 

I-DE Redes Eléctricas Inteligentes, S.A. 

Reiner Medical, S.L. 

Tratamientos Térmicos TTT, S.A. 

Mecanización y Autolubricados, S.A. (Grupo Wisco) 

Lacor Industria del Menaje, S.L. 

Salto Systems, S.L. 

Pegamo Industrial Division, S.L. 

Salva Industrial, S.L. 

Fagor Arrasate, S. Coop. 

Goizper, S. Coop. 

Danobat, S. Coop. 

Sapa Operaciones, S.L. 

Elmubas Ibérica, S.L. 

Biona Carpintería, S.L. 

Manipulados Comaypa, S.L. 

Siliconas Silam, S.A. 

Campezo Obras y Zerbitzuak, S.A. 

Ormak Construcción, S.L. 

Valentín Odriozola Aguirrezabal 

Autorrecambios Goyerri, S.L. 

Joyería González Larrauri, S.L. 

Calzados Tello, S.L.

Mugaburu, S.L. 

Meruba, S.L. 

Gacela Logística, S.L. 

Bildutruck, S.L. 

Banco Sabadell, S.A. 

Norgestión, S.A. 

EPC Advisory and Management, S.L. 

Danena Instalaciones, S.L. 

Berriup, S.L. 

Interalloys & Investment, S.L. 

Vicomtech Fundación 

Multiverse Computing, S.L. 

Gureak Lanean, S.A. 

Kutxabank, S.A. 

Grupo Ulma, S. Coop. 

Fundación Oceanográfica de Gipuzkoa 

Fundación José Matía Calvo 

Basque Culinary Center Fundazioa 

Estibadora Algeposa, S.A. 

Ingeteam Indar Machines, S.A. 

Ampo, S. Coop. 

ArcelorMittal Olaberria Bergara 

CAF, S.A. 

Fundación Bancaria Kutxa – Kutxa Banku Fundazioa 

Irizar, S. Coop. 

Caja Laboral Popular Coop. de Crédito 

Casa Eceiza 

Federación Mercantil 

Euskabea

Grupo Hine 

Grupo Uvesco 

ADEGI 

Lau Lagun 

Zucchetti Spain, S.L. 

Aholkulari diren bokalak 

Eraketa-bilkurara aholkulari diren bokalak ere gonbidatu dituzte. Haien izendapen ofiziala Gipuzkoako Ganberaren Osoko Bilkuraren hurrengo bileran egingo da, abenduan. 

Aholkulari diren bokal gisa gonbidatutako pertsonak honako hauek dira: Iñigo Ucin, Ivan Martén, José Maria Echarri, Pedro Esnaola, Zenon Vázquez, Alex Abancens eta Marisa Arriola. 

Agintaldi berria Gipuzkoako enpresen zerbitzura 

Osoko Bilkura berria eratuta, Gipuzkoako Ganberak etapa berri bati ekingo dio, lurraldeko enpresen interes orokorrak ordezkatzen eta defendatzen, haien garapena sustatzen eta lehiakortasuna indartzen jarraitzeko. 

Erakundeak enpresen, erakundeen eta eragile ekonomikoen arteko lankidetza bultzatzen jarraituko du, Gipuzkoako enpresa-jardueraren hazkundeari eta garapen ekonomikoari laguntzeko. 

Harpidetu gure buletinetara