• Hasiera
  • Prentsa
  • Albisteak
  • Gipuzkoako Bazkundeak II.Enplegu Feriaren balorazio positiboa egiten du

Albisteak

Gipuzkoako Bazkundeak Idazkari Nagusi plazarako deialdia ireki du

Gipuzkoako Bazkundeko Osoko Bilkurak Gipuzkoako Bazkundeko Idazkari Nagusi plazarako deialdia onartu du gaur, uztailak 24. Hautaketa prozesua lehiaketa publiko baten bitartez jarriko da martxan. Deialdiaren xehetasunak eta oinarriak Gipuzkoako Bazkundearen webgunean argitaratuko dira 2018ko uztailaren 25etik aurrera. Prozesua 2018ko abuztuaren 31eko 18.00 arte egongo da irekia, behin iragarkia argitaratu eta gero.

Idazkari Nagusi berri bat aukeratzeko erabakia Gipuzkoako Bazkundeak bizi duen berritze prosezuari lotuta dago eta erabakia Gipuzkoako Bazkundeko Batzorde Exekutiboak eta Osoko Bilkurako kideek aho batez berretsi dute. Berritze prozesu honen helburua Gipuzkoako Bazkundea sustatzea da.

Eskertze

Gipuzkoako Bazkundeko Osoko Bilkurako kideek eta Batzorde Exekutiboak Endika Sánchez Aguirrek egindako lana goraipatu eta eskertu nahi izan dute. Azken 8 urte hauetan, Endika erakundaren buru izan den urte hauetan, Gipuzkoako Bazkundeak inoiz bizi izan duen krisi gogorrenari aurre egin behar izan diola gogora arazi dute eta egoera honen aurrean erakundea indarberrituta atera dela azpimarratu dute. Oraingo Gipuzkoako Bazkundea Endika Sánchez Aguirren ekarpenik gabe ez zela ulertuko ere nabarmendu nahi izan dute.

Pedro Esnaola aukeratu dute berriro ere Gipuzkoako Bazkundeko presidente

Gipuzkoako Merkataritza, Industria, Zerbitzuak eta Itsasketa Bazkunde Ofizialaren Osoko Bilkura gaur ekainak 29, ostirala, osatu da eta bertan Pedro Esnaola Latasa aukeratu dute presidente hurrengo lau urtetarako, 2018-2022 denboraldirako. Presidenteaz gain, Batzorde Exekutiboa ere aukeratu da: Pedro Esnaola Latasa (presidentea); Ione Lazpiur Elcoro-Berecibar (predidenteorde 1º); Juan Vicente Erauskin Garmendia (presidenteorde 2º); David Llordés Arratibel (diruzaina); Carmen Echeverría Gibert (batzordekidea); María Lasa Irizar (batzordekidea); Ander Aizpurua Susperregui (batzordekidea) eta Aitor Egurrola Marzo (batzordekidea). Pedro Esnaolarena izan da aurkeztu den hautagaitza bakarra.

Gipuzkoako Bazkundeko barne-erregimeneko arautegiak dionaren arabera, saioa Osoko Bilkurako 59 kideen postu jabetzearekin hasi da. Hauek guztiak, euren aktibitatea Gipuzkoako Lurralde Historikoan industrian, merkataritzan, zerbitzutan eta itsasketan egiten dituzten talde ekonomikoen ordezkari dira eta
Gipuzkoako Bazkundeko hautesle-erroldaren barne daude, 68.409 enpresek eta automomoek osatzen duten hautes-errolda. 59 kideetatik, 40 enpresa Gipuzkoako enpresa sektore ezberdinetako parte dira; 8 Lurraldeko bizitza ekonomikoan aitortutako prestigio duten pertsonak dira; eta 11 Gipuzkoako Bazkundeari borondatezko ekarpenak egiten dituzten enpresek osatzen dute. Osoko bilkurak euren kideen %63a berritu du eta %25 emakumeak dira.

Aurkeztu den hautagaitza bakarra, Pedro Esnaola Latasarenak guztien adostasuna lortu du. Saioak, Isabel Muela, Eusko Jaurlaritzako Turismo eta Merkataritza Sailburuordea izan du buru. Berarekin batera Endika Sánchez Aguirre, Gipuzkoako Bazkundeko Idazkari Nagusia izan da eta baita Osoko Bilkurako kide nagusiena eta gazteena ere, Juan Antonio Mañero Velasco (Siliconas Silam) eta Gorka Elustondo Aizpurua (Reiner Medical), hurrenez hurren.

Gipuzkoako Bazkundeko Gobernu Kideak berritzeko hauteskunde prozesua (Presidentea, Batzorde Exekutiboa eta Osoko Bilkura) apirilaren 17an hasi zen 68.409 enpresek eta autonomoek osatzen dute hautes-errolda publikoa eginez. Hauek guztiak Osoko Bilkura osatzen duten 59 kideengatik ordezkatuak egongo dira.

Ekainaren 28an, hautagaitza bakarra aurkeztu zen Presidentetzarako eta baita Batzorde Exekutiboa osatzeko zerrenda ere. Gaurko bilkuran Osoko Bilkurako kideek sekretupean eta modu pertsonalean bozkatu dute. Agintaldi honen iraupena lau urtetakoa da eta inork ez du ordainsaririk jasotzen.

Pedro Esnaola Latasaren curriculuma

Pedro Esnaola Latasa Donostiako da (1965/11/08). Ekonomia Zientzietan lizentziatuta da Sarrikoko Ekonomia eta Enpresa Fakultean – Euskal Herriko Unibertsitatea, eta horrez gain, Donostiako-Deustuko Unibertsitateko MBA Exekutive master bat du.

Gaur egun, Gipuzkoako Bazkundeko Presidentea izateaz gain (2010etik) beste kargu hauek betetzen ditu.

  • Quimatryxeko Presidentea
  • Oncomatryxeko Kontseilaria
  • Natrako Kontseilaria
  • Basque Health Clustereko Presidentea
  • Gipuzkoako Bazkundeko Arbitraje Auzitegiko Presidentea
  • Pasaiako Portuko Agintaritzako Kontseilaria
  • Ortzibiako Kontseilaria, Hondarribiako Aireportua Sustatzeko elkartea
  • Zaisako Kontseilaria, Irungo Aduana Ingurunea Sustatzeko elkartea
  • AGIPADeko, Drogen Abusuraren Ikerketa eta Prebentziorako Gipuzkoako Elkarteko Zuzendaritza-Batzordeko kidea

 

Gipuzkoako Osoko Bilkura berria ekainaren 29an osatuko da

Hauteskunde-Batzordeak Gipuzkoako Bazkundeko hurrengo Osoko Bilkura osatuko duten 59 batzarkideak izendatu ditu gaur, Gipuzkoako Bazkundean egindako bileran. Hautatze prozesua apirilaren 17an hasi zen eta ekainaren 29an amaituko da Presidentearen eta Batzorde Exekutiboaren aukeraketarekin.

Hauteskunde hauek, 4 / 2014 Oinarrizko Legea indarrean sartu zenetik egiten diren lehenengoak dira, eta bertan 68.409 enpresek eta autonomoek parte hartu dute. Hauek guztiek euren industria, merkataritza, zerbitzu eta itsasketa jarduerak Gipuzkoako lurraldean egiten dituzte. Gipuzkoako Bazkundeak lurraldeko enpresa eta sektore guztien interes orokorrak ordezkatzen ditu, hori dela eta enpresa guztiak Gipuzkoako Bazkundearen barnean daude eta euren Gobernu kideak hautatzeko prozesuan parte hartzeko eskubidea dute sufragio unibertsal bitartez, era librean eta zuzenean... Informazio gehiago

500 saltoki inguruk parte hartu du Gipuzkoa Bazkundeak datuen babesen inguruan eman dituen tailerretan

Gipuzkoako Bazkundeak DBEOaren inguruan eman dituen tailerrak interes handia piztu dute Gipuzkoako merkataritza enpresen artean. Bostehun saltoki inguruk, 495 zehatz mehatz, parte hartu dute Gipuzkoa osoan zehar zabaldu diren tailer ezberdinetan.

Tailer hauen helburua, maiatzaren 25ean indarrean sartu zen Datuak Babesteko Erreglamendu Orokor berriaren ezarpena erraztea izan da, merkataritza enpresek euren egunerokoan ezartzeko lana erraztea, hala nola kontaktuen berehalako baimena modu eraginkor batean jasotzeko era egokiena erakutsiz, beti ere DBEOak eskatzen duen araudipean.

Taller RGPG

Tailerrak maiatzean eta ekaineko lehenengo astean egin dira Gipuzkoako lurralde osoan zehar, zehatzago esateko Hernanin, Tolosan, Irunen, Errenterian, Zarautzen, Arrasaten, Beasainen, Donostian eta Urretxun. Tailerrak oso ondo baloratuak izan dira partehartzaileengatik, 9ko bataz besteko nota lortuz.

Tailer hauek merkatari txikiei zuzenduak egon dira eta Euskal Merkataritzaren Topaketaren XX. edizioan barneratzen dira. Topaketa Eusko Ganberen eta Eusko Jaurlaritzeren ekimena izan da eta “Errealitatea digitala bilakatzen ari da” lelopean burutu da merkataritza enpresetan digitalizazioa sustatzeko helburuarekin.

Jardunaldi informatiboak

Merkatariei zuzendutako tailer hauez gain Gipuzkoako Bazkundeak, Audicontarekin elkarlanean, Gipuzkoako enpresa sare osoari zuzendutako bi jardunaldi informatibo egin ditu. Jardunaldi hauen helburua Datuak Babesteko Erreglamendu Orokor (DBEO) berriaren ezarpenak gure enpresetan izango dituen ondorioak ezagutu araztea izan da. Jarduanaldi hauek arrakastatsuak izan dira 200 pertsona baino gehiagok parte hartu baitute bertan, baina ez dira bakarrak izango Gipuzkoako Bazkundeak jardunaldi informatibo gehiago eskainiko baititu Espainiako Gobernuak Espainiako legea Europako araudi berrira egokitzen duenean.

Gipuzkoako merkataritzaren goraipamena

Aurten ere Gipuzkoako Bazkundeak Gipuzkoako merkatarien lana goraipatuko du, merkataritza sektorean eragin esanguratsua eta Gipuzkoako gizarteari begira, eredugarriak izan diren enpresak sarituko ditu. Hori dela eta hautagaiak aurkezteko epea ireki du.

Cámara de Gipuzkoa Avda. de Tolosa, nº 75 - 20018 Donostia-San Sebastián Tel. +34 943 00 03 00 - info@camaragipuzkoa.com