Pertsonen Kudeaketa

Pertsonekin egiten dugu lan

Ondo asko dakigu pertsonak direla era guztietako erakundeen ardatza, eta pertsonak kudeatzea da, beraz, erronka nagusia. 

Pertsonek eraldaketa-prozesuetan egiten dute lan eta horietan garatzen dituzte helburu estrategikoekiko konpromisoa eta inplikazioa sendotzen dituzten abileziak, eta guk, enpresa bakoitzera moldatutako metodologien bitartez, eraldaketa-prozesu horiek abian jartzea errazten dugu.
Gure lanaren abiapuntua egungo egoeraren diagnostikoa egitea da, eta hortik aurrera nahi den eredua zehazten da, ekintza-plana diseinatzen da, zuzendaritzan bideratzen eta hedatzen da eta landutako arloan inplementatzen da, erakunde osora ere hedatu ahal izango bada ere.

Erakundeek, besteak beste, honako abantaila hauek lortzen dituzte:

• Hobeto prestatutako langileak, balioaniztunak eta motibatuak.
• Negozioari buruzko ikuspegi globalagoa izatea erakunde osoak.
• Enpresaren proiektuarekin konpromiso estuagoa duten pertsonak. 
• Gidaritza parte-hartzailea gauzatzeko behar diren gaitasunen garapena. 
• Laneko giroari buruzko inkestetan balorazio hobea. 
• Taldean lan egiteko abileziak hobetzea. 
• Langile-taldea bere lanpostura hobeto egokitzea.

Hauek dira gure bezeroek gehien eskatzen dituzten zerbitzuak:

• Coaching prozesuak
  o Banakakoa
  o Taldekoa
• Pertsonak kudeatzeko ereduaren azterketa
• Gaitasunen araberako kudeaketa
• Jardueraren kudeaketa
• Laneko giroaren azterketa
• Barruko komunikazio-sistema ezartzea 

Informazio gehiago

Prestakuntzaren finantziazioa

Enpresek prestakuntzarako kreditu jakin bat izaten dute urtean bertako langileen prestakuntza finantzatzeko.

Gipuzkoako Bazkundeak antolatutako prestakuntzarentzat egon daitezkeen laguntzak kudeatzen laguntzen dizugu.

• Nola egiten da?

Hobari horiek tramitatu ahal izateko, enpresak Gipuzkoako Bazkundearen esku utzi behar du prestakuntzaren kudeaketa.
Enpresak ikastaroaren kostua ordainduko du eta, behin amaituta, enpresak Gizarte Segurantzari ordaindu beharreko zenbatekoari dagokion hobaria aplikatuko da. Gipuzkoako Bazkundeak jakinaraziko dio enpresari ze hilabete eta kopuru deskontatu behar den.

• Nork eskuratu dezake finantziazio hori?

Espainiako lurraldean kokatuta dauden, kontingentzia orokorrei dagokiena kotizatzen duten eta langileentzat prestakuntza-jarduerak egiten dituzten enpresa guztiek.

• Zenbatekoa da diru-laguntza?

Finantziazioa prestakuntzaren iraupenaren, parte hartzen duen ikasle-kopuruaren eta ikastaroaren mailaren araberakoa da. Gipuzkoako Ganberak enpresa bakoitzari dagokion zifra kalkulatzen lagunduko dizu, eta enpresari prestakuntzarako dagokion urteko kreditua izango da gehienez.

• Noiz kudeatu ditzaket laguntza hauek?

Beti prestakuntza hasi aurretik. Ikastaroaren hasieraren berri gutxienez zazpi egun lehenago eman beharko da.

Nola iritsi

Gipuzkoako Bazkundea

Tolosa Etorbidea, 75
20018 DONOSTIA
Telf.: 943 000 300
Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

Aparkaleku aukerak

Mugatutako aparkalekuak ikusteko:

In-company prestakuntza

60 urtetik gora daramatzagu Gipuzkoako enpresentzat prestakuntza-planak antolatzen, eta eskarmentu horri esker erakunde bakoitzera moldatutako erantzuna eman dezakegu. Urtean 275 prestakuntza-ekintza baino gehiago antolatzen ditugu, eta prestakuntzaren merkatua ezin hobeto ezagutzen dugu, beraz: moldatzen ditugu edukiak, metodologiak, irakasle espezialistak, eta enpresa bakoitzaren premia espezifikoei erantzuna ematen diegu. 

Neurrira egindako prestakuntza-zerbitzu integrala eskaintzen diegu enpresei, eta barne hartzen ditu:
• Premien diagnostikoa.
• Neurrira antolatutako prestakuntza.
• Prestakuntzaren finantziazioaren kudeaketa.
• Prestakuntzaren ebaluazioa.

Adimen Gaitasuna

Internetek eta komunikazio-teknologiek modu esponentzialean areagotu dute informazioa eta, azken batean, munduan gertatzen diren aldaketak transmititzeko abiadura. Ez dago zalantzarik gure enpresaz kanpoko informazioa kontrolatzeak edo ez kontrolatzeak eragina duela egunero hartu behar izaten ditugun erabakietan eta, ondorioz, gure estrategian, edozein izanik ere gure jarduera edo gure enpresaren tamaina. 

Adimen Gaitsuna ez da kontzeptu berria. Enpresaren estrategiatik edo gogoeta estrategikotik abiatzen da eta berrelikatu egiten du. Adimen Gaitasuna gure negoziorako garrantzizkoa den kanpoko informazioa jasotzeko sistematizazio-prozesua da, eta bere helburua da informazio hori gure negozio-estrategia inplementatzeko/berrelikatzeko ezagutza espezifiko bihurtzea.
Jasotako informazio hori funtsezkoa izango da gure enpresarentzat honako hau ahalbidetzen digunean:

• Merkatuan izan daitezkeen aldaketei aurrea hartzea.
• Erabakiak hartzean arriskua minimizatzea eta hautemandako mehatxuak aukera bihurtzea.
• Azken batean, gure enpresa-estrategia inplementatzea gure negozioaren alderdi erabakigarrien behaketa sistematizatuz.

Gipuzkoako Bazkundetik lagundu egin diezaiokegu zure enpresari ekonomiaren, lehiaren, legegintzaren eta sektorearen arloko kanpoko informazioa behatu, bildu, aztertu, zehaztasunez hedatu eta berreskuratzeko ahalegina sistematizatzen eta antolatzen, informazio hori zure negoziorako ezagutza baliagarria bihur dadin.
Adimen Gaitasuna proiektu bakoitza ezberdina da negozio bakoitza –jarduera-sektore berekoa izanda ere– ezberdina den neurrian. Gipuzkoako Bazkundea zure premietara egokitzen da.
Esperientzia zabala dugu ezagutzaren kudeaketan, informazio erabakigarriaren trataeran, datu-baseetan, informazio-kopuru handiak bilatu eta manipulatzean, datu-meatzaritzan,…

Giza baliabideak