#EuskadiBonoDenda #EuskadiTurismoBono
#EuskadiBonoDenda
"Euskadi bono-comercio/Euskadi bono-denda" kanpainari atxikitzeko epea zabalik dago urriaren 27ra arte.
"Euskadi bono-comercio/Euskadi bono-denda" horietako bakoitza deskontu-bonutzat hartuko da, 10 euroko balioarekin, atxikitako establezimenduetan gutxienez 30 euroko erosketa baten gainean.
Programari atxiki nahi zaizkion saltokiek:
- Atxikipen-inprimakia bete beharko dute.
- Parte hartzen duten erakundeen jakinarazpena jasoko dute (Jarraipen Batzorde Mistoa) atxikitze-eskaera onartu den ala ez jakiteko (plataformaren bidez).
- Diruz lagundu daitekeen jardueraren esparruan sartzen da EAEko merkataritza-establezimenduetan egindako txikizkako merkataritza guztia, eranskinean jasotako EJZko epigrafeen arabera; beti ere, autonomoak, mikroenpresak eta enpresa txikiak badira (50 langile gehienez, eta 10 milioi euro baino gutxiagoko negozio-bolumena edo 10 milioi euro baino gutxiagoko urteko balantze orokorra dutenak).
- Programari atxikitako saltokiek deskontu-bonuen kopuru jakin bat eskuratu ahal izango dute, aurreikusitako plataforma teknologikoaren bidez. Deskontua aplikatzeko eta konpentsatzeko eragiketa guztiak plataformaren bidez egingo dira.
- Atxikitako establezimendu edo enpresa bakoitzari dagokion bonu kopurua lineala izango da, eta dagokion lurralde-eremuan jaulkitako bonu kopuruaren eta deialdi honi atxikitako establezimendu kopuruaren arteko erlazioak ezarriko du.
- Atxikitako establezimendu eta enpresek, egiten duten eragiketa bakoitzeko, onuradunaren nortasuna egiaztatzen duen dokumentua erantsi beharko dute plataforman, bai eta deskontu-bonua erabiltzeko behar diren zenbatekoak justifikatzen dituen faktura ere. Halaber, plataforma horretan gorde, kontabilizatu eta ordainduko dira atxikitako establezimendu edo enpresa bakoitzeko aplikatutako deskontu-bonuak
.
#EuskadiBonoDenda
HARRETARAKO TELEFONOA: 943 05 55 30
.
.
#EuskadiTurismoBono
Era berean, urriaren 27ra arte zabalik egongo da turismo-, jatetxe- eta ostalaritza-sektoreko enpresak deskontu-bonuetara atxikitzea. Kanpaina horrek 5, 10 eta 20 euroko deskontuak eskaintzen ditu sektoreko enpresetan egindako gastuetan.
.
Euskadin kokatutako establezimendu eta enpresa hauek parte hartu ahal izango dute:
Ostatu-establezimenduak (nekazaritza-turismoak, turismo-aterpetxeak, apartamentuak, kanpinak, landetxeak eta hotelak).
- Gida turistikoak
- Bitartekaritza-enpresak
- Jatetxe- eta ostalaritza-establezimenduak (jatetxeak, tabernak, kafetegiak eta antzeko establezimenduak, beren jarduera establezimendu finkoetan gauzatzen dutenak, publiko orokorrari irekita daudenak, eta lokal berean kontsumitzeko janariak eta edariak eskaintzen aritzen direnak).
- Naturako kirol-jardueretako enpresak, hala nola turismo aktibokoak eta abenturakoak.
- Ibilbide turistikoak egiten dituzten garraio-enpresak.
- Kultura-, gastronomia- eta natura-ondarea zabaltzen duten enpresak.
- Jolas-zentroak.
Deskontu-bonuak honako zenbateko hauen arabera jaulkiko dira:
- 5 euroko deskontu-bonoa. Atxikitako establezimenduetan 20 euroko gutxieneko erosketak egiteko. Ostalaritzako, jatetxeetako eta interes turistikoko jardueretako establezimenduak.
- 10 euroko deskontu-bonoa. Atxikitako establezimenduetan gutxienez 40 euro erosteko. Ostalaritzako, jatetxeetako eta interes turistikoko jardueretako establezimenduak.
- 20 euroko deskontu-bonoa. Gutxienez 60 euro erosteko. Ostatu-establezimenduak
.
#EuskadiTurismoBono
HARRETARAKO TELEFONOA: 943 05 55 30
.