Gipuzkoako Bazkundeak Lacor-Ibili Taldea "Gipuzkoako Enpresa" izendatu du 2022an

• Grupo Lacor-Ibili 2022ko "Gipuzkoako enpresa" izendatu du Gipuzkoako Bazkundeak.
• "Enpresa nazioartekotzea" saria Fagor Electronicari eman diote, "ETE Enpresa industriala" Dinuyrentzat izan da, "Zerbitzu enpresa" Suministros Industriales GAME SArentzat eta "Berrikuntza Enpresa" saria BioTech Foodsentzat da.
• Saritutako 5 enpresak, kooperatiba bat, bi familia-enpresa, hornidura industrialen bat eta oinarri teknologikoko enpresa bat, lurraldeko enpresa-sarearen ordezkaritza bikaina dira.
• Sariak emateko ekitaldia, BANCO SABADELLek babestua, Gipuzkoako Bazkundearen egoitzan ospatu da, eta bertan izan dira Mikel Amundarain Eusko Jaurlaritzako Industria sailburuordea eta Markel Olano Gipuzkoako Diputatu Nagusia.

Donostia/San Sebastián – 1 de abril de 2022 – Donostia – 2022eko apirilaren 1a – Gipuzkoako Enpresa Sariak emateko ekitaldia gaur ospatuda, Gipuzkoako Bazkundean. Hogeita hamargarren edizio honetan, Gipuzkoako Bazkundeak Bergarako Grupo Lacor-Ibili enpresa nabarmendu du urteko "Gipuzkoako enpresa" gisa. Arrasateko Fagor Electrónica ere saritu du "Enpresa nazioartekotzea" sariarekin, Irungo Dinuy "ETE Enpresa industriala" sariarekin, Olaberriako Suministros GAME S.A. "Zerbitzu enpresa" sariarekin eta Donostiako BioTech Foods "Berrikuntza Enpresa" sariarekin. Sari banaketa honek enpresek Gipuzkoan aberastasuna eta enplegua sortzen egindako lana aitortzen du, eta zortzigarren urtez jarraian BANCO SABADELLen babesa izan du.

Enpresa Sarituak

Bergarako Grupo Lacor-Ibili enpresak urteko "Gipuzkoako enpresa" saria jaso du. Bergaran dago eta sukaldeko eta ostalaritzako tresneria egiten du. Labor-Ibili Taldea familia-izaerako enpresa da, gaur egun hirugarren belaunaldian dago, eta gaur egun bi familia-enpresen arteko enpresa-integrazioko prozesu baten ondorioz eratu zen talde gisa. Nazioartekotze-maila handia eta salmenta digitaleko estrategia irmoarekin, gaur egun 80 herrialde baino gehiagotan saltzen dira taldearen produktuak. 2021ean 180 langile inguru zituen eta 75 milioi eurotik gorako fakturazioa.

Taldeak kontsumoari lotutako produktu bat du, Gipuzkoako enpresen artean oso ohikoa ez den produktu mota. Berezitasun horri lotuta, enpresaren hainbat alderdi nabarmendu behar dira, Lacor-Ibili Gipuzkoako Enpresa gisa bereizteko.

• Logistika-azpiegituran inbertitzeko egin duen apustuagatik, produktuak berehala eta azkar entregatzeko, online salmentak merkatuan ezartzen dituen baldintza eta denboretara egokituta. 
• Produktuaren garapenean duen dinamismoagatik, diseinuagatik eta berrikuntzagatik.
• Merkatuaren eskakizunetara egokitzeagatik, salmenta-kanal berriekin, besteak beste on-line kanalarekin.. 
• Marketin digitaleko kanal bat garatzean, produktuaren bezero-erabiltzailearen feed-back bat lortzeko egindako ahaleginagatik. Horri esker, merkatuaren joerak azkar antzeman daitezke, eta horrek marka merkatuan hobeto kokatzea dakar. 
• Eta, azkenik, pandemiak ekarri duen erronkari erantzuteko izan duen gaitasunagatik, Lacor-Ibili Taldeak bere fakturazio-errekor historikoa lortu baitu, pandemia aurreko salmenta-zifrak ehuneko 20 baino gehiago gaindituta. Hori guztia posible izan da talde kohesionatu bat izateagatik, pandemia bezalako egoeren aurrean aukerak bilatzearen aldeko apustua egiteagatik.

“Enpresa nazioartekotzea" saria Arrasateko Fagor Electronicak jaso du, enpresak nazioartekotzen aitzindari izateagatik, 1992an ASIAn bere lehen ekoizpen-planta martxan jarri zuelako, eta nazioartekotze-bultzada berrituagatik, azken 2 urteetan beste 4 herrialdetan ekoizpen-plantak ireki dituelako. 520 langile eta 7 lantegi produktibo ditu, 6 herrialdetan banatuta (Espainia 2, Thailandia, Txile, Mexiko, Turkia eta Kolonbia). Esportazio-maila % 70etik gorakoa da, Europa, Asia eta Amerikako merkatuetara hornituz.

2016tik aurrera, aldaketa kualitatiboa ematen da merkatuan, hainbat sektoretan osagai elektronikoak sartzen baitira. Eskariaren bultzadak eta Fagor Elektronikak nazioarteko bezeroengan lortutako posizionamenduak (Toyota, Airbus, Robert Bosch, Grupo Antolin, Siemens, Electrolux, Eika, Copreci eta abar), atzerriko ekoizpen-ezarpenen bigarren prozesu bat aurrera eramateko beharra eragiten du, bezeroei eskaera-herrialdeko osagaiak hornitzeko.

Fagor Electrónicak “Enpresa nazioartekotzea” saria jaso du, aldaketa azkarrean dagoen mundu honetan nazioarteko hedapen bizkorrean izan duen arrakastagatik. Taldearen fakturazio-bolumena 75 milioi euro ingurukoa izan zen 2021ean, eta pandemiak eragin gabeko goranzko bilakaera-dinamika izan zuen. Salmentak % 35 izan ziren Europan, % 40 Asiako kontinentean eta % 25 Amerikan.

"Enpresa ETE Industriala" sariari dagokionez, Gipuzkoako Bazkundeak Dinuy enpresa familiarra saritu du, nazioarteko enpresa handiak nagusi diren sektore batean produktua berritzearen eta garatzearen alde egindako apustu irmoagatik.

Dinuy material elektriko, elektroniko eta elektromekanikoa fabrikatzen duen enpresa bat da, argiztapenaren arloko elektronikaren nitxoan lider nazionaletako bat. Familia-tradiziokoa, 1947an sortua, aurten 75. urteurrena ospatzen du eta bere 2. eta 3. belaunaldien artean errelebo-prozesuan dago.

Dinuyren ekoizpena denboren bilakaerara egokituz joan da, ingurumenarekiko konpromisoa ardatz hartuta. Dinuyk energia adimenduna aurreztera bideratutako instalazio-produktu ugari garatu ditu, mota guztietako instalazioetan baldintza naturalak ahalik eta gehien aprobetxatzeko eta energia elektrikoaren kontsumoa ahalik eta gehien murrizteko.

75 urte ditu Dinuy markak, eta nazioko zein nazioarteko merkatuan dago presente eta aitortua; izan ere, salmenten % 20 inguru merkatu horretara bideratzen ditu, eta guztira 30 herrialde ingurutara iristen da. Familia-enpresa den aldetik, tamaina handiko multinazionalekin lehiatu behar du merkatuan, eta horrek ahalegin handia eskatzen dio produktuak berritzeko eta garatzeko. Arlo horretan aritzen da langileen % 18, 48 pertsonez osatutako plantilla.

Gaur egun, Dinuy digitalizazio eta adimen lehiakorreko proiektu bat garatzen ari da, banatzaileen, bezeroen eta preskriptoreen eskura jartzen duen informazioaren erabilerari buruzkoa, arreta prebentiboko zerbitzua eta produktu berriak merkaturatzeko politika hobetzeko.

Olaberriako Suministros industriales GAME SAk  Gipuzkoako "Zerbitzu Enpresa" saria jaso du, bezeroari ahalik eta balio-ekarpenik handiena egiteko prozesuan izandako arrakastagatik. Prozesu horretan pertsonak funtsezko faktorea izan dira eta negozio-ereduaren ikuspegia aldatzera eraman du enpresa. 25 langilerekin eta 5 milioi eurotik gorako fakturazioarekin, Suministros Industriales GAME SAren arrakasta enpresak hasitako negozio-eredua eraldatzeko prozesuari esker eman da..

25 langilerekin eta 5 milioi eurotik gorako fakturazioarekin, Suministros Industriales GAME SAren arrakasta enpresak hasitako negozio-eredua eraldatzeko prozesuari esker eman da.

2019an, enpresak eraldaketa-proiektu bat abiarazi zuen, bezeroei ahalik eta baliorik handiena emateko. Balioekarpena honela zehazten da: bezero bakoitzak industria-hornidura behar duen unean eta bere enpresarentzako baldintzarik onuragarrienetan izatea. Horretarako, GAME SAk soluzio sorta bat aplikatzen du:

• Bezeroaren kudeaketa-kostuak murriztea. Hau da, erosketa-prozesuetako informazio-fluxua automatizatuz, bezeroari produktua erosten laguntzea, eskaerak egiten emandako denbora murrizteko.
• GAME SAk eguneko 24 orduetan eta asteko 7 egunetan hornitzen dituen produktuetarako sarbidea ematea, beharrezko azpiegitura zabalduz, hala nola kontsignako biltegiak eta produktuaren eskuragarritasuna bermatzen duten banagailu automatikoen bidez, stock-hausturak edo ekoizpen-geldialdiak saihesteko.
• Pantaila interaktiboak instalatzea produkzio-eremuetan, produktu-katalogo pertsonalizatua online eskuratzeko enpresa bezeroko langile bakoitzarentzat. Horrela, produktua erosteko prozesua erraztu, optimizatu eta arintzen da, prozesuaren fluxu automatizatu eta digitalizatu baten eta logistika-zerbitzu eraginkor baten bidez.

Aldaketa-proiektu hori abian jartzeko, Suministros Industriales GAME SA enpresak lan-prozesuak hobetzen eta pertsonen garapenean lan egin du, bikaintasuneko eredu operatibo bat ezarriz eta kudeaketa-eredua eraldatuz, eredu tradizional batetik partaidetzazko eredu batera pasatuz, eta arreta berezia jarriz prestakuntzaren, berrikuntzaren, automatizazioaren, digitalizazioaren eta barne-antolamenduaren arloetan.

Eta, azkenik, BioTech Foods, Donostiako enpresa, "Berrikuntza Enpresa" kategorian saritua, sektore biomedikoan aplikatutako prozesu bioteknologikoak nekazaritzako elikagaien sektorera eramateagatik izandako arrakastagatik. Aplikazio biomedikoak nekazaritzako elikagaien mundura pasatzeak ekoizpen-mailak izugarri handitzea eskatzen du. Biotech Foodsek produkzioaren eskalatze-maila lortu du, eta sektoreko multinazional handiei eman die arreta.

Biotech Foods 2017an sortu zen bi ekintzaileren ekimenez: Iñigo Charola eta Mercedes Vila. Haren helburua da zelulahazkuntzetatik abiatuta ekoizpen industriala egitea eta, ondoren, animalia-proteinak merkaturatzea. Munduko populazioaren hazkundeak eta horrek eragiten dituen elikadura-beharrek eragiten duten alertari erantzuteko sortu zen enpresa, animalia-proteinak ekoizteko ekoizpen-prozesu eraginkor berriak eta ingurumen-inpaktu txikia dutenak ezarriz.

Enpresak kualifikazio handiko 27 profesional ditu gaur egun eta 300 litroko erreaktoreetan eskalatzeko adinako teknologia domeinua lortu duten mundu mailako lau enpresen artean kokatzea lortu du. Gaur egun, Ikerketa, Garapen eta Eskalatze Zentro bat eraikitzen ari dira. Horri esker, tona metrikoa baino bolumen handiagoa lortu ahal izango da, eta horrek esan nahi du ekoizpen-prozesu hori mundu mailako primizia gisa merkaturatzea ahalbidetuko dela.

Lortutako aurrerapen teknologikoaren mailak elikadura sektoreko multinazional nagusien arreta erakarri du, eta, ondorioz, nekazaritzako elikagaien munduko bigarren enpresa handiena eta proteinaren lehen ekoizlea, JBS brasildarra, proiektuaren bazkide inbertitzaile gisa sartu da.

Ekintzailetzaren negozio-ikuspegia eta 5 urte hauetan lortutako maila teknologikoa agerian geratzen dira adostutako eragiketa ekonomikoaren dimentsioagatik, JBSk 36 milioi euroko kapital-ekarpena egin baitu Gipuzkoan landutako okelarentzako Espainian lehen industria-planta bat eraikitzeko. BioTech Foodsek ekintzailetza-proiektu gisa izan duen arrakastak kualitatiboki garrantzitsua den enpresa-garapenerako aukera berri bat ematen dio Gipuzkoari lurralde gisa.

Informazio gehiago:

Jone Lacunza

Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

943 000 310 / 688884347