Nafarroako Merkataritza Ganbera Bihartean Mugaz Gaindiko Ganberan sartu da
Biharteanek mugikortasun elektrikoarekin, mugaz gaindiko enpresen azeleragailu bat sortzearekin eta metaversoaren bidez negozioak digitalizatzearekin lotutako proiektu berriak garatuko ditu.
Nafarroako, Gipuzkoako eta Baionako Merkataritza Ganberek gaur sinatu dituzte Nafarroako Ganbera Bihartean Mugaz Gaindiko Ganberan sartzea jasotzen duten estatutuak. Javier Taberna Nafarroako Merkataritza Ganberako presidenteak, Pedro Esnaola Gipuzkoako Bazkundeko presidenteak eta André Garreta Baionako Pays Basque/Iparralde Merkataritza eta Industria Ganberako presidenteak sinatu dute Nafarroako Ganbera mugaz gaindiko erakundearen bazkide izateko agiria.
Bihartean 2010. urtean eratu zen interes ekonomikoko elkarte europar gisa, Gipuzkoako eta Baionako ganberen arteko koordinazioa hobetzeko, mugaz haraindiko ingurunean ordezkaritza handiagoa lortzeko, eskualde-integrazio handiagoa lortzeko eta Europar Batasunean eskualde-lankidetzako proiektuak finantzatzeko egitura berri bat baliatzeko. Bere jarduera-lurralde osoko enpresen lankidetza bultzatzea eta sustatzea du helburu.
2018. urteaz geroztik, hiru ganberek elkarlanean jardun dute hainbat proiektutan; 2019an, NAEN euroeskualdeak CCI Bayonne Pays Basque, Gipuzkoako Bazkundeak eta Nafarroako Ganberak eramandako programa finantzatu du. Ildo horretan, elkarrekin egin zuten azken jarduera aurtengo irailaren 27an izan da, eta 3 lurraldeetako 83 enpresa mugaz gaindiko enpresa-topaketa batean elkartu ziren, FICOBAn (Irun).
3 proiektu berri: Negozioen metaversoa, EUROBOOST eta TRANSMOOVE
Gaur egun, Bihartean osatzen duten hiru ganberak mugikortasun elektrikoarekin, mugaz gaindiko enpresen azeleragailu bat sortzearekin eta negozioen digitalizazioarekin lotutako 3 proiektu berri lantzen ari dira.
NEGOZIOEN METAVERSOAK ingurune digitalaren eta mundu fisikoaren mugak hurbiltzeko erronka du, eta Metaversoko negozioetarako topagune bat sortzeko helburuarekin sortu da, mugaz gaindiko ETEak bildu, lankidetzan aritu eta errealitate mistoko ekitaldiak edo esperientziak sortu ahal izateko, legezkotasun- eta konfiantza-ingurune batean.
EUROBOOST proiektua hiru lurraldeetako sektore estrategikoak eta enpresak identifikatzeko sortu da, elkarren osagarri izan daitezen, sinergiak sor ditzaten eta negozio berriak sor ditzaten. Epe ertainean mugaz gaindiko azeleragailu handi bat sortu nahi da, Europako araudira egokituko dena eta hiru lurraldeetan enpresa berrien garapena eta hazkundea arinduko duena.
TRANSMOOVEk mugaz gaindiko idazkaritza teknikoa eman nahi dio NAITEC-NAVEACek (Nafarroa), MUBILek (Gipuzkoa) eta TOPOSek (Akitania Berria) osatutako Mugaz gaindiko Mugikortasun Partzuergoari, hiru erakunde horien arteko lankidetza finkatu eta sendotzeko eta 2023an POCTEFA proiektu bat prestatzeko. Beste jarduera batzuen artean, gaikako taldeak dinamizatuko dira 3 lurraldeetako enpresekin, eta enpresa- eta teknologia-misioak antolatuko dira.
Informazio gehiago:
Jone Lacunza
Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.
943 000 310 / 688884347