Europako eta Gipuzkoako 100 enpresa baino gehiago bildu dira Gipuzkoako Bazkundean MEETIND 2024an, azpikontratazio industrialeko Europako XV. Topaketan
100 enpresa baino gehiago bildu dira gaur goizean Gipuzkoako Bazkundean, topaketa honen hamabosgarren edizioan.
Aurten parte hartu duten enpresa erosleak Suitzatik, Herbehereetatik, Finlandiatik, Alemaniatik, Frantziatik, Marokotik eta Austriatik datoz, eta askotariko sektoretakoak dira, hala nola eraikuntza, energia, ekipo-ondasunen fabrikatzaileak, siderurgia, automobilgintza, nekazaritzako industriak eta aeronautika.
250 B2B merkataritza-bilera baino gehiago antolatu dira, eta 2 milioi eurotik gorako kontratazio-aukerak sortzea espero da.
Donostia - 2024ko martxoaren 13a MEETIND azpikontratazio industrialeko Europako topaketak XV. urteurrena ospatzen du aurten. Gipuzkoako Bazkundeak antolatutako jarduera honen helburua da merkatu berrien identifikazioa sustatzea azpikontratazio industrialeko enpresentzat, sektore hori lurraldeko enpresa industrialen %27,6 baita. SUBCONTEX GIPUZKOA Gipuzkoako Bazkundearen azpikontratazioko espezializazio arloak Gipuzkoako enpresei merkatuak dibertsifikatzen laguntzeko garatzen du topaketa hau.
Gaur Gipuzkoako Bazkundean egin den edizio honetan, Europako 6 herrialde eta Marokoko 26 enpresa erosle elkartu dira, hainbat sektoreetakoak. Sektore-aniztasunak hemengo enpresek bisitarien artean aukera komertzial eta bezero potentzial gehiago aurkitzea errazten du. Horri esker, parte-hartzaile gisa inskribatutako enpresa azpikontratisten kopurua handitu egin da.
Ekitaldia bi egunetan banatzen da. Gaur, martxoak 13, 100 enpresa, erosle eta azpikontratista baino gehiago bildu dira Gipuzkoako Bazkundearen egoitzan eta 30 minutuko 250 bilera baino gehiago antolatu dira. Bihar, martxoak 14, erosleek lurraldeko 50 enpresa bisitatuko dituzte, eskaerak kontratatzen laguntzeko eta erosle europarrari gure enpresen gaitasunak eta kalitatea ezagutzeko.
Erosleak eta azpikontratistak
Topaketara etorri diren 26 erosleak Suitzatik, Herbehereetatik, Finlandiatik, Alemaniatik, Frantziatik, Marokotik eta Austriatik etorri dira. 19 milioi eurotik 10.000 milioira arte fakturatu dezaketen enpresak dira, eta sektore hauetakoak dira: Energia, Siderurgia, Hainbat ekipamendu-ondasunen fabrikatzaileak (obra publikoko makineria, makina-erreminta), Automobilgintza eta Nekazaritzako industriak.
Azpikontratistei dagokienez, Gipuzkoako, Euskadiko eta Estatuko 82 enpresa izan dira bertan, fabrikazio-prozesuen bidez piezak eta multzoak fabrikatzen espezializatuak, hala nola galdaketa, txirbil-harroketa bidezko/gabeko eraldaketa (forja, galdaragintza, mekanizazioa, estanpazioa, laser-ebaketa, tutu-konformazioa, etab.), elektrizitatea eta elektronika, plastikoaren eraldaketa, kautxua, konpositeak eta fabrikazio gehigarria.
Azpikontratazio industrialeko enpresentzako zerbitzu espezializatuak
Meetind topaketaz eta Europako hainbat feriatan parte hartzeaz gain (12 feria 2024an) Subcontex Gipuzkoakoak lurraldeko enpresek beren bezero-zorroa nazioarteko merkatuetan zabal dezaten egiten du lan, merkataritzako eta sustapeneko ekintzen bidez.
Aurten, berritasun gisa, SupplyChain SUBCONTEX izeneko zerbitzu berri bat aurkeztu dugu, azpikontratatutako industriaren hornidura-katea osatzen duten enpresen arteko kontaktua sustatzeko, horrela, beren merkataritza-aukerak handitzeko eta salmentak bultzatzeko.
SupplyChain SUBCONTEX zerbitzuak, enpresei aukera emango die tokiko kontaktuen sarea zabaltzeko, SUBCONTEXeko kide izateagatik, merkatu nazionalean eta nazioartekoan duten ikusgarritasuna handitzeko eta aukera komertzialak jasotzeko. Zerbitzu berri hau azpikontratazio industrialeko ferien bilakaeraren aurrean sortzen da; izan ere, manufaktura-industrian zentratutako ikuspegi produktiboa izatetik, industria-sektore horren balio-katean oinarritutako azoka globalen kontzeptura igarotzen da.
SUBCONTEX GIPUZKOAren jarduera hau Gipuzkoako Bazkundeak garatutako ekintza bat da, Gipuzkoako enpresen jarduera komertziala eta esportatzailea bultzatzeko. Horrela, Gipuzkoaren eta gure lurraldean lan egiten duten enpresen aurrerapen sozioekonomikoari eta lehiakortasunaren hobekuntzari laguntzen dio.
Informazio gehiago:
Jone Lacunza
Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.
943 000 310 / 688 884 347