500 enpresa baino gehiagok parte hartuko zuten Bihartean mugaz gaindiko ganberak 2024an NAEN Euroeskualdean antolatutako ekintzetan
- Bihartean mugaz gaindiko ganbera osatzen duten Nafarroako, Gipuzkoako eta Baionako Ganberetako presidenteak eta teknikariak Iruñean bildu dira eta bilera bat izan dute Nafarroako Gobernuko, Euroeskualdeko eta Eusko Jaurlaritzako ordezkariekin
- Bihartean ekimenak enpresen arteko lankidetza sustatzen du NAEN Euroeskualdean eta, aurten, ekimen berriak aurreikusi dira.
Iruñean, 2025eko urtarrilaren 17an.- NAEN Euroeskualdeko (Akitania Berria, Euskadi eta Nafarroa) 517 enpresak parte hartu dute Bihartean mugaz gaindiko Merkataritza Ganberak merkataritza trukeak eta enpresen arteko lankidetza bultzatzeko antolatutako ekintzetan.
Bihartean osatzen duten Nafarroako, Gipuzkoako eta Baionako Ganberetako presidenteak, Javier Taberna, Mauricio Arregui eta André Garreta, hurrenez hurren, Iruñean bildu ziren atzo, 2024an garatutako jardueren balantzea egin eta 2025erako aurreikusitako proiektuak aztertzeko.
Iaz, Biharteaneko teknikariek, NAEN Euroeskualdearekin egindako hitzarmen baten bidez, Nafarroako, Gipuzkoako eta Baionako 45 enpresari aholkatu zieten gertutasunezko nazioartekotzea sustatzeko. Horrez gain, mugaz gaindiko hiru topaketa antolatu zituzten, turismoaren, nekazaritzako elikagaien eta Silver Economyren sektoreei buruzkoak; 305 enpresak parte hartu zuten, eta onlineko 3 jardunaldi antolatu zituzten, 167 parte-hartzailerekin. Horietatik 183 EAEkoak izan ziren, gehienak gipuzkoarrak.
Presidenteez gain, honako hauek ere hartu dute parte saioan: Javier Zubia, Gipuzkoako Ganberako zuzendari nagusia; Christelle Rodet, Bayonne Pays Basqueko Ganberako kanpo harremanetarako arduraduna; Jon Arizmendi, CCI Bayonne Pays Basqueko garapen eta lehiakortasun zuzendaria; Joan Blanco, Nafarroako Merkataritza Ganberako koordinatzailea; Ana Cañada eta Eva Fontecha Nafarroako Nazioartekotze eta Proiektueen arduradunak, hurrenez hurren.
Arratsaldean, Nafarroako Jauregian, hiru Ganberetako ordezkari hauek lan-bilera bat izan dute Arola Urdangarinekin, Akitania Berria, Euskadi, Nafarroa Euroeskualdeko zuzendariarekin; Iñigo Arruti, Nafarroako Gobernuko Enpresa Sustapeneko zuzendari nagusiarekin; Sergio Pérez, Nafarroako Gobernuko Kanpo Ekintzako zuzendari nagusia; Iñaki Martínez de Vírgala, Nafarroako Gobernuko Kanpo Ekintzako zuzendari nagusia; Mathieu Bergé, Nouvelle – Aquitaineko Eskualde Kontseilaria; Mikel Antón, Eusko Jaurlaritzako Europako Gaietarako zuzendaria; eta Ainara Jauregi, Eusko Jaurlaritzako Europako Gaietarako arduraduna.
Duela 15 urte sortu zen Bihartean, interes ekonomikoa duen Europako elkartea. Gipuzkoako, Nafarroako eta Baionako ganberen arteko koordinazioa hobetzea du helburu, baita mugaz gaindiko eremuan ordezkaritza handiagoa bilatzea ere, eskualdeen integrazio handiagoa lortzeko eta Europar Batasunaren eremuko eskualde-lankidetzako proiektuak finantzatzeko egitura berri bat aprobetxatzeko. Zentzu horretan, bere jarduera lurralde osoko enpresen kooperazioa bultzatu eta sustatzea da bere misioa.
