Lehendakariak Eusko Ganberen bisita jaso du, lehiakortasunaz, azpiegiturez eta Atlantikoko Makroeskualdeaz hitz egiteko

2026ko urriaren 14a. – Imanol Pradales lehendakariak bilera egin du Eusko Ganberakekin, Euskal Autonomia Erkidegoko hiru merkataritza-ganberak biltzen dituen aliantzarekin, Euskadiren garapen ekonomikorako eta lehiakortasunerako funtsezkoak diren gaiak aztertzeko.

Bileran, hainbat gai estrategiko jorratu dituzte, hala nola enpresa-lehiakortasuna hobetzea, azpiegiturak garatzea eta Europar Batasunaren esparruan Atlantikoko Makroeskualdea sustatzea.

Testuinguru horretan, Eusko Ganberakek proiektu hau garatzen aktiboki laguntzeko prestasuna adierazi du, bere gaitasunak eta esperientzia eskaintzeko konpromisoarekin, ahaleginak batu eta helburu partekatuan aurrera egiteko.

Erakundeen eta eragile ekonomikoen arteko lankidetza funtsezkoa da etorkizuneko erronkei aurre egiteko, Euskadik Europan duen posizioa indartzeko eta lurraldearen garapen ekonomikoa sustatzeko.