Gipuzkoako Ganberak Donostiako Pescadería ESPE “2026ko Gipuzkoako Merkataritza” gisa bereizi du.

Mauricio Arregui, Ganberako presidenteak: “Lurralde lehiakor batek merkataritza sendo eta prestatua behar du. Gure konpromisoa da erabakiak hartzeko orduan tresna gehiago, ikuspegi zabalagoa eta segurtasun handiagoa eskaintzea”.

Ganberak, halaber, IKO Igeldoko Kooperatiba saritu du merkataritza jasangarriaren kategorian; Ordiziako Ness by Esti García RetailEuskal Eskolaren kategorian; eta 10 Bitxiak ekimena ere aitortu du, lurraldeko eskualde bakoitzeko bana den merkataritza bana sarituz.

Donostia – 2026ko maiatzaren 29a -  Gipuzkoako Ganberak gaur Donostiako Pescadería ESPE “2026ko Gipuzkoako Merkataritza” gisa bereizi du, Gipuzkoako Merkataritza Sarien banaketa-ekitaldiaren baitan. XXXII. edizio honetan, halaber, Donostiako IKO Igeldoko Kooperatiba saritu da Merkataritza Jasangarriaren kategorian, eta Ordiziako NESS by Esti García RetailEuskal Eskola kategoriaren barruan, etengabeko prestakuntzari emandako bultzadagatik. Horiez gain, Gipuzkoako Ganberak, beste urte batez, sarien esparrua lurralde osora zabaltzea nahi izan du, eta “10 Bitxiak” saria eman die Gipuzkoako 10 saltokiri, bakoitza lurraldeko eskualde banako bat ordezkatuz. 

EkitaldiaDonostianegin da, Gipuzkoako Ganberaren egoitzan, eta bertan izan dira Jakes Aguirrezabal Eusko Jaurlaritzako Turismo eta Merkataritzakosailburuordea, Amaia Arregui Gipuzkoako Foru Aldundiko Sustapen Ekonomikoko zuzendarinagusia, eta Ane Oyarbide Donostiako Udaleko bigarrenalkateordea eta Berdintasun, Ekonomia eta Tokiko Enpleguko zinegotzia. Sariek Eusko Jaurlaritzaren, Iberdrolaren, Kutxabanken, Ukabi-WoltersKluwerren eta Agua de Alzolarenbabesa izan dute.

Aurten, jardunaldia lurraldeko merkataritzaren lehiakortasunaren inguruan izan da. Gipuzkoako Ganberako presidente Mauricio Arreguik nabarmendu nahi izan du merkataritza-sare lehiakor bat izatearen garrantzia, sektoreak aurrez aurre dituen etengabeko erronken aurrean.

“Lurralde lehiakor batek merkataritza sendo eta prestatua behar du. Lurralde baten lehiakortasuna ez da soilik bere enpresa handien edo datu ekonomikoen arabera neurtzen; bere kaleetako bizitzan, bere saltokien kalitatean eta ingurune erakargarri, hurbil eta dinamikoak sortzeko gaitasunean ere islatzen da”, adierazi du.

Gipuzkoako Ganberak, gainera, azpimarratu du gaur egun merkataritzari laguntzea hura eboluzionatzen laguntzea dela, errentagarritasuna hobetzea, tresna berriak txertatzea, taldeak prestatzea eta etengabe aldatzen ari den kontsumitzaile batera egokitzea.

“Badakigu saltoki bakoitza desberdina dela eta ez dagoela errezeta bakarrik. Gure konpromisoa da erabakiak hartzen laguntzea, tresna gehiago, ikuspegi zabalagoa eta segurtasun handiagoa eskainiz”.

 

ENPRESA SARITUAK

1. GIPUZKOAKO MERKATARITZA SARIA: Pescadería ESPE 

88 urteko ibilbidearekin, Pescadería Espe Donostiako Bretxa merkatuan dago, 12. postuan. Gaur egun Carolina Archelik zuzentzen du negozioa, familiako hirugarren belaunaldiko ordezkariak. Erizaina eta nutrizio arloko masterduna izanik, arrandegiaren eredu tradizionala ikuspegi berritzaileago, hurbilago eta bezeroari zuzenduago baterantz garatzeko bultzada handia eman du.

Kontsumo-ohituren aldaketen aurrean, enpresak digitalizazio eta zerbitizazio prozesuak txertatu ditu bere eskaintza bezeroengana hurbiltzeko. Bere ekimenen artean nabarmentzen dira produktuaren eguneroko aurkezpena eta sukaldaritza-gomendioak WhatsApp eta YouTube bidez, baita etxez etxeko banaketa zerbitzua eta hiriko auzo ezberdinetako saltokiekin lankidetzan antolatutako entrega-puntuak ere.

Taldearen kudeaketa eta haren ongizatea beste zutabe nagusietako bat dira; horretarako, inplikazioa eta autonomia sustatzen dira, negozioaren garapen estrategikorako gaitasun handiagoa ahalbidetuz. Aldi berean, Carolina Archelik arrainaren propietate nutrizionalei buruzko dibulgazio-lan garrantzitsua egiten du, etorkizuneko arrandegilariei prestakuntza eskainiz, artikulu espezializatuak eta argitalpenak eginez, elikadura osasungarriaren sustapenean lagunduz.

Horregatik guztiagatik, Pescadería Espe merkatuaren eskaera berrietara egokitzeko duen gaitasunagatik, bezeroarenganako orientazioagatik eta zerbitzuaren kalitateagatik nabarmentzen da, baita sektore tradizional batean egin duen modernizazio-prozesuagatik ere. Bere ereduak digitalizazioa, kudeaketaren profesionalizazioa, osasunaren sustapena eta tokiko merkatarien arteko lankidetza uztartzen ditu, hurbileko merkataritzaren bilakaera eta berrikuntzaren erreferente gisa sendotuz.

2. MERKATARITZA JASANGARRIA SARIA: IKO Igeldoko Kooperatiba 

Igeldoko kooperatibak 1911n ditu sustraiak; orduan sortu zen ekoizleen eta kontsumitzaileen arteko aliantza indartzeko ekimen gisa, betiere herriarentzat eta herritik balioa sortzeko helburuarekin. 2005ean, herritarren lankidetza eta inplikazioari esker, gaur egungo denda eta egoitza gauzatu ziren, komunitatean errotutako proiektu bat sendotuz.

IKOk negozio-eredu jasangarri bat sustatzen du, Igeldo eta inguruko biztanleen bizi-kalitatea hobetzeko helburuarekin, hurbileko, kalitatezko eta tokiko lotura sendoa duen merkataritzaren bidez. Bere helburu nagusien artean daude auzoaren biziberritze ekonomikoa, kilometro zero produktuen —tokiko eta ekologikoen— sustapena eta inguruko ekoizle-sareari laguntza ematea.

Era berean, kooperatibak turismo jasangarriaren eredua sustatzen laguntzen du, bisitariei Igeldoko natura- eta historia-ondarearekin uztartutako tokiko produktuen eskaintza eginez. Halaber, kontsumo arduratsu eta jasangarriaren inguruko sentsibilizazio-lan aktiboa garatzen du, bai herritarren artean bai ingurua bisitatzen dutenen artean.

Proiektua ekonomia sozial, ingurumeneko eta ekonomikoaren printzipioetan oinarritzen da, eta bazkideen parte-hartze demokratikoa da haren funtzionamenduaren ardatz nagusia.

3. RETAIL EUSKAL ESKOLA SARIA: Ness by Esti García 

NESS by Esti García emakumeentzako arropa eta osagarrien multimarka concept store bat da, Ordizian kokatua, 25 urte baino gehiagoko ibilbidea duena eta bere sektorean erreferente gisa sendotua. Esti Garcíak gidatzen du proiektua, haren arima eta marka pertsonala denak. Saltokiak eraldaketa erabakigarria izan zuen 2020tik aurrera, bere irudia eta balio-proposamena erabat berritu zituenean, NESS by Esti García izena hartuz.

Gaur egungo ikuspegia erosketa-esperientzia hurbil, zaindu eta presiorik gabekoa eskaintzean oinarritzen da; bertan, bezeroa gustura senti daiteke, estilismoari buruzko aholkularitza profesionala jaso eta prozesuaz giro lasaian gozatu, bisitan zehar kafe bat bezalako xehetasun txikiekin ere.

Berrikuntza eta etengabeko hobekuntza dira haren eguneroko lanaren oinarri nagusiak, eta bereziki nabarmentzen da etengabeko prestakuntzaren alde egiten duen apustu irmoa. Aktiboki parte hartzen du ikastaroetan, kongresuetan, webinarretan, foroetan, joera-misioetan eta aholkularitza pertsonalizatuetan, ondoren ikasitako ezagutzak eta bizipenak bere negozioan txertatuz.

Horregatik guztiagatik, NESS by Esti García jarrera positiboaren, proaktibitatearen, irmotasunaren, berrikuntzaren eta etengabeko ikaskuntzarekiko konpromisoaren adibide gisa aitortxen da, baita Retail Euskal Eskolan izan duen parte-hartze nabarmenagatik ere; bertan, prestakuntza-ekintzak modu eredugarrian aplikatu ditu, merkataritza-sareari aktiboki lagundu dio eta sektorean lankidetza eta hobekuntza dinamikak sustatu ditu.

4. 10 BITXIAK. GIPUZKOAKO ESKUALDE BAKOITZEAN NABARMENDU DIREN HAMAR MERKATARITZA-ENPRESAK 

10 Bitxiak kategoriak lurraldeko hamar merkataritza nabarmen aitortzen ditu, Gipuzkoako eskualde bakoitzeko bana. Ekimen honek kalitatea, ibilbidea eta inguruko merkataritza lokalaren ekarpena ordezkatzen duten establezimenduak balioan jartzen ditu.

Edizio honetan, hautagaitzen bilketa modu irekian egin da. Saritu diren saltokiak herritarrek zein Gipuzkoako merkataritza-komunitateak berak proposatu ditu, Gipuzkoako Ganberak horretarako gaitutako kanalen bidez.

Kategoria honen helburua sarien aintzatespena lurralde osora zabaltzea da, eskualde bakoitzeko erreferentziazko saltokiei ikusgarritasuna emanez eta Gipuzkoako merkataritza lokalaren papera indartuz, motor ekonomiko eta sozial gisa.

1. Buruntzaldea, ORMAZABAL LORADENDA 
2. Debagoiena, RAOS 
3. Debabarrena, Pitxintxu 
4. Goierri, LEIRESH 
5. Donostialdea, INMA LO 
6. Bidasoa, Pastelería Aguirre 
7. Oarsoaldea, LARRARTE 
8. Tolosaldea, BOUTIQUE MP
9. Urola Garaia, Julita Mertzeria 
10. Urola Kosta, The Pass