Albisteak

Gipuzkoako Bazkundearen hauteskundeak 2022.

.Gipuzkoako Bazkundeko hauteskunde prozesua hasi da

2021eko urriaren 15ean hasten da Gipuzkoako Merkataritza, Industria, Zerbitzu eta Nabigazioko Bazkundeko Hautesleen Errolda jendaurrean jartzeko epea (aurrerantzean, Gipuzkoako Bazkundea). Hori izango da Osoko Bilkura berria eratzearekin eta Gipuzkoako Bazkundeko Batzorde Exekutiboa eta presidentea hautatzearekin amaituko den hauteskunde-prozesuaren lehen urratsa.

Hautesle Errolda aurrez aurre kontsultatu ahal izango da Gipuzkoako Bazkundearen egoitzan (Tolosa etorbidea 75) eta/edo telematikoki Hautesle Errolda kontsultatzeko tresnaren bidez, bi kasuetan 2021eko urriaren 15etik 2021eko azaroaren 4 arte, biak barne.

Pertsona juridiko eta fisikoen erreklamazioak 2021eko azaroaren 18 arte aurkeztu ahal izango dira. Horretarako, erreklamazio-ereduak honako esteka honetan deskarga daitezke.

Gipuzkoako Bazkundeak hautagaiak aukeratu edo Osoko Bilkurako kide izan nahi duten pertsona juridiko eta fisikoei gomendatzen die erroldan behar bezala inskribatuta daudela ziurtatzea, bi eskubideak baliatzeko ezinbesteko baldintza baita.

ELKARGIk eta Gipuzkoako Ganberak indarrak batu dituzte enpresei irtenbide bateratu eta hobetuak eskaintzeko

• Aliantza horren helburu nagusia enpresa txiki eta ertainentzako eta autonomoentzako konponbide bateratuak eta erdi-jardunaldiak eskaintzea da, bi erakundeek enpresa-ehunaren eskura jartzen dituzten zerbitzuak eta irtenbideak errazago eskuratzeko.
• Orain, lurraldeko enpresa-ehunaren ezagutza sakonetik, bi erakundeek baterako prestakuntza-plan bat abiarazi dute, enpresen merkataritza-ekipoen beharrei erantzuteko.
• Bi erakundeen arteko lankidetza areagotu egin da azken urteotan.

Gipuzkoako Bazkundeak azpikontratazio-enpresen inguruko azoken jarduera berrabiaraziko du MIDEST 2021an

• Gipuzkoako Bazkundeak enpresen partaidetza bateratua antolatu du LYONen izango den MIDEST-GLOBAL INDUSTRIE 2021 azokan irailaren 6tik 9ra.

• Pandemiak eragindako geldialdiaren ondoren, Frantzian egiten den lehen industria-azoka izango da.

• Edizio honetan mekanizazioan, galdaragintzan, dekoletajean eta plastikoan espezializatutako 31 enpresek hartuko dute parte, eta horietatik % 55 euskal enpresak dira.

Gipuzkoako Bazkundeak eta Enantiok merkatua zaintzeko zerbitzuak garatzeko lankidetza akordioa zabaldu dute

• Gipuzkoako Bazkundeak merkatua zaintzeko zerbitzu bat abiarazi du, Enantioko nazioarteko merkataritza-transakzioen Enantio plataforma oinarri hartuta.

• 193 herrialdetako merkataritza-transakzioei buruzko informazioa ematen du, bi herrialderen artean 5.300 produkturentzako egindako inportazio eta esportazioen totalaren xehetasunekin.

• Informazioaren xehetasun-mailari esker, enpresa eroslea, enpresa saltzailea, erositako produktua, merkataritza-transakzioaren kopurua eta zenbatekoa identifika daitezke

Gipuzkoako Bazkundeak BEXEN MEDICAL "Gipuzkoako enpresa" gisa bereizi du 2021. urtean

• Bexen Medical 2021eko "Gipuzkoako enpresa" izendatu du Gipuzkoako Bazkundeak.

• "Enpresa nazioartekotzea" saria Astigarraga kit Lineri eman diote, "ETE Enpresa industriala" Plastigaurrentzat izan da, "Zerbitzu enpresa" Euskabearentzat eta "Berrikuntza Enpresa" saria CIN Advanced Systems Groupentzat da.

• Saritutako 5 enpresak, kooperatiba bat, bi familia-enpresa, ingeniaritza bat eta oinarri teknologikoko enpresa bat, lurraldeko enpresa-sarearen ordezkaritza bikaina dira.

• Sariak emateko ekitaldia, BANCO SABADELLek babestua, Gipuzkoako Bazkundearen egoitzan ospatu da da, eta bertan izan dira Arantza Tapia Eusko Jaurlaritzako Ekonomiaren Garapen eta Ingurumen sailburua, Markel Olano Gipuzkoako Ahaldun Nagusia eta Eneko Goya Donostiako alkatea.