GIPUZKOAKO MERKATARITZA, INDUSTRIA, ZERBITZU ETA NABIGAZIO GANBERA OFIZIALAREN OSOKO BILKURA BERRITZEKO PROZESUA 2025-2027
Merkataritza Ganberak Zuzenbide Publikoko Korporazioak dira, nortasun juridikoa eta beren helburuak betetzeko jarduteko gaitasun osoa dutenak. Administrazio publikoen kontsulta-organo gisa eratzen dira, ordezkatzen dituzten interes pribatuak alde batera utzi gabe. Haien helburua Merkataritzaren, Industriaren, Zerbitzuen eta Nabigazioaren interes orokorrak ordezkatzea, sustatzea eta defendatzea da, baita enpresei zerbitzuak eskaintzea ere. Haien egitura eta funtzionamendua demokratikoak dira.
Lau urtean behin, haien Gobernu Organoak berritzen dira. 2025eko abenduaren 1etik, organo horiek berritzeko hauteskunde-prozesua irekita dago, eta aurreikusita dago 2026an zehar Eusko Jaurlaritzak Euskal Autonomia Erkidegoko hiru Ganberetarako hauteskunde-deialdia egitea.
Gipuzkoako Merkataritza, Industria, Zerbitzu eta Nabigazio Ganbera Ofizialaren (aurrerantzean, “Gipuzkoako Ganbera”) hauteskunde-erroldaren parte dira eta, beraz, hauteskunde-eskubide aktiboa eta pasiboa gauzatzeko ahalmena dute Gipuzkoako lurraldean merkataritza-, industria- edo zerbitzu-jarduerak egiten dituzten eta establezimenduak, ordezkaritzak edo agentziak dituzten pertsona fisiko edo juridikoek, nazionalek zein atzerritarrek.
Hauteskunde-errolda 2025eko abenduaren 5etik egon da jendaurrean ikusgai, eta enpresak talde eta kategorietan sartzeko edo kanpo uzteko aurkeztu zitezkeen erreklamazioak egiteko epea joan den urtarrilaren 19an amaitu zen.
INFORMAZIO INTERESGARRIA
- Kontsultatu errolda on line
- Hauteskunde-prozesua:
- Araudia:
-
- ECM/1382/2025 Agindua, azaroaren 28koa, Ekonomia, Merkataritza eta Enpresa Ministerioarena.
- 78/2015 Dekretua, maiatzaren 26koa, merkataritzako ganbera ofizialen hauteskunde-prozedura arautzen duena.
- Gipuzkoako Merkataritza, Industria, Zerbitzu eta Nabigazio Ganbera Ofizialeko Barne Araudia.
- Merkataritza Ganberen Oinarrizko 4/2014 Legea.