Gipuzkoako Ganberako Enplegu Feriak 250 lan-aukera baino gehiago eskaintzen ditu
Enplegu Feriaren bederatzigarren edizioa urriaren 8, 9 eta 10ean ospatuko da, eta 66 enpresa bilduko ditu, lan-aukera berri baten bila dabiltzanak zuzenean ezagutzeko.
Izen-ematea web orriaren bidez egin behar da, eta bertan egunero azokan egongo diren enpresen berri ere ematen da.
Donostia – 2025ko urriaren 6a. Urriaren 8, 9 eta 10ean ospatuko den Gipuzkoako Ganberako Enplegu Feriak 250 lan-eskaintza baino gehiago eskainiko ditu gaur egun lan-aukera berri baten bila dabiltzanentzat. Izen-emateak zabalik daude jada, goizeko 9:30etatik 14:30etara, kontratazio beharra duten enpresa gipuzkoarren eta lan bila ari direnen arteko topagune izan nahi duen ekitaldi honetarako.
Feriaren hiru egunetan, 66 enpresak hartuko dute parte, stand eta guzti, eta bertaratzen direnek erakunde horietako hautaketa-arduradunekin elkarreragin ahal izango dute, eskuragarri dauden lan-eskaintzak ezagutu, curriculuma entregatu eta elkarrizketak egin. Enplegu Feriak parte hartzen duten hainbat enpresa izango ditu egunero. Hori dela eta, interesa duten pertsonak egutegia kontsultatzera gonbidatzen dira, jardunaldi bakoitzaren aukera espezifikoak ezagutzeko.
Iaz, Feriak 850 bisitari baino gehiago biltzea lortu zuen, eta horrek profesionalen eta enpresen artean pizten duen interes handia berresten du. Aurten, eskaintza kopurua indartu da eta jende gehiago etortzea espero da.
Lan-eskaintzak aurkezten dituzten enpresen tipologia askotarikoa da. Industria-sektoreko enpresa-erakundeak, banaketa handia, finantza-erakundeak, aseguru-erakundeak, ikastetxeak edo zerbitzu-enpresak, besteak beste.
Europako Gizarte Funtsak eta Lanbidek finantzatutako 2025 Enplegu Feria aukera bikaina da lan bila dabiltzanentzat; izan ere, lanpostu hutsei buruzko informazioa zuzenean eskuratu ahal izango dute, eta langileak kontratatu nahi dituzten enpresekiko zuzeneko harremana erraztuko dute.
