Donostia, 2020ko urriaren 8a
Gipuzkoako Bazkundeak eta BIC Gipuzkoak mugikortasun elektrikoaren inguruko jardunaldi bat antolatu dute. Bertan, mugikortasun elektrikorako trantsizioak ekarriko dituen negozio aukerak mahaigaineratu dira, eta bide batez, INGIMOB programaren bigarren edizioan parte hartu duten enpresen (Algón, Tornillería Aras, Mausa eta Silam) esperientzia eta emaitzak aurkeztu dira.
Aipatutako programa Gipuzkoako Foru Aldundiaren MUBIL estrategiaren barruan kokatzen da. Lurraldea-eta Euskadi bere osotasunean- nazioarte mailan mugikortasun elektrikoan eta energia metaketan erreferentzia bihurtzea eta bide honetan ETEi babesa ematea helburu izanik.
Jardunaldiaren hitzaurrean, Ainhoa Aizpuru, Gipuzkoako Foru Aldundiko Proiektu Estrategikoetarako Diputatuak mugikortasun elektrikoaren eremuan ematen ari den bilakaera Gipuzkoarentzako “aukera” bezala azpimarratu du, eta era berean aukeraz baliatzeko deia egin du. Honen aburuz, COVID-19aren pandemiaren etorrerak eraldaketa azkartu baino ez du egin. “pandemia ondoko berreraikuntzarako Europako funtsen inguruan ildoa argia da: etorkizuna berdea eta digitala izango da. Honek sakoneko aldaketa dakar mugikortasunaren eremuan”
Zentzu honetan, balorean jarri du Gipuzkoak MUBIL, Gipuzkoako Elektromugikortasun Zentroaren bitartez egin duen apustua. Lurraldeak mugikortasun berriaren bidean ekosistema edo poloa sortzeko oinarri izan nahi du. “Zorionez, gure lurraldeak ehundura sendoa du; enpresa traktoreak, punta-puntako zentro teknologikoak, ezagutza, erakunde konprometituak…MUBILen helburua osagai guzti hauek egituratu eta lurralde bezala arituz, gailentzen ari den mugikortasun berriaren sektorean Gipuzkoa erreferentzia bihurtzea” azaldu du.
Bi eragileek abian jarri dituzte nazioartekotzea bultzatzeko ekintza berriak, COVID-19aren testuinguruari egokituak
Gipuzkoako Bazkundeak eta Foru Aldundiak gaur azaldu dituzte lurraldeko enpresen nazioarteko dibertsifikazioa sustatzeko ekintza-plan baterakoaren ildo nagusiak. Bazkundea dagoeneko garatzen hasi da plana, foru erakundearen laguntzarekin, eta 2021. urteko irailaren 30era arte garatuko dena. Gaur egindako agerraldian, Bazkundeko lehendakari Pedro Esnaolak eta Ekonomia Sustapeneko diputatu Imanol Lasak “beren lankidetza areagotzeko erabakitasunik osoena” agertu dute, helburu garbi batekin: “Gure ekonomia-sarearen nazioartekotzea sendotzea, gure enpresa txiki eta ertainena, batez ere. Erronka hori jada mahai gainean genuen, eta aurpegi eman behar diogu, indar eta baliabide berrituekin, giltzarrietako bat delako susperraldi ekonomikorako, pandemiaren aurrean. Inoiz baino gertuago egongo gara enpresetatik”, iragarri dute.
- Pedro Esnaola, Gipuzkoako Bazkundeko Presidentea eta Vicente Atxa, Mondragon Unibertsitateko Errektorea izango dira ekitaldiaren buru. Titulu banaketa gaur arratsaldean egingo da Gipuzkoako Bazkundean.
- Hamar urte hauetan zehar, 200 pertsona baino gehiago igaro dira MBA honen ikasgeletatik.
- Executive MBA 520 orduz osatu da, urte bete iraun du eta eskolak Gipuzkoako Bazkundean eman dira.
Donostia - 2020ko irailak 24 - Gipuzkoako Bazkundeak eta Mondragon Unibertsitateak MBA Executivearen X. ekitaldi amaiera burutuko dute gaur, Gipuzkoako Bazkundean. Masterra 2009an jarri zuten martxan aipatutako bi entitate hauek. Pedro Esnaola, Gipuzkoako Bazkundeko Presidentea eta Vicente Atxa, Mondragon Unibertsitateko Errektorea arduratuko dira Tituluak banatzeaz. Kurtsoa gainditu duten hogei ikaslek jasoko dute titulua.
Gipuzkoako Bazkundeak eta LABORAL Kutxak lankidetza-hitzarmen bat sinatu dute, enpresa-ekimen berriei abantaila handiak emango dizkiena. Javier Zubia, Gipuzkoako Bazkundeko idazkari nagusiak, eta Javier Cortajarena, LABORAL Kutxako lurralde-zuzendariak, uztailaren 28an sinatu zuten hitzarmena, Gipuzkoako Bazkundearen egoitzan.