Hiru astetan zehar, eta bezeroGUNE zerbitzuaren bitartez, Gipuzkoako Bazkundeak Uni Eibar-Emua BHI Lanbide Heziketa ikastetxeko Merkataritza Aktibitatetako ikasleak gaitasun digitaletan, salmenta puntuko kudeaketan eta erakusleiho apainketan trebatu ditu.
Gipuzkoako Bazkundea Nanteseko (Frantzia) “Industrie Grand Ouest” Azpikontratazio Industrialeko ferian izan da urtarrilaren 28, 29 eta 30an. Feria hau 2020 urterako programatu diren nazioarteko ferien egutegian kokatzen da.
Go Mobility Mugikortasun Berriaren (jasangarria, eskuragarria, segurua eta konektatua) feria profesionala da, alderdi digitalean eta industrialean. Gipuzkoako Foru Aldundiak eta Eusko Jaurlaritzak sustatzen dute ekitaldia, MUBIL estrategiaren barruan kokatzen da eta martxoaren 11ean eta 12an egingo da Ficoban (Irun). Bertan Industria eMobility, Gipuzkoako Bazkundeko Elektromugikortasunaren Foroa izango da.
Gipuzkoako Bazkundeak, Banco Sabadellek eta Elkargik jardunaldi dibulgatzaile bat antolatu dute “Nazioarteko operazioak: kobrantzak, dibisak, kontratuak eta finantzaketak” izenburupean. Jardunaldia gaur, ostegunak 6, burutu da Gipuzkoako Bazkundean eta sektore ezberdinetako 100 enpresa inguru izan dira bertan.
Gipuzkoako Foru Aldundiko Ekonomia Sustapena, Turismo eta Landa Inguruneko Departamentuak eta Gipuzkoako Bazkundeak urte batzuk daramatzate elkarlanean, lankidetza hitzarmen baten bitartez, oinarri teknologikoa duten enpresa berrien nazioartekotzean laguntza pertsonalizatua eskaintzeko.